Kiko bo por hasi promé ku mal tempu òf orkan
- Sòru pa kas i kurá ta na òrdu. Eliminá tur opheto ku ta lòs den kurá i ku por okashoná daño ora bientu bira mas fuerte.
- Buska un sitio seif kaminda bo por skonde, na kas, serka famia òf den un shèlter.
- Hinka dokumentunan importante manera pasport, reibeweis i sédula den un tas di plèstik ku awa no por drenta aden (waterproof).
- Hinka bo remedinan, bo lista di remedi, remedi di e hendenan ku ta biba huntu ku bo den kas i nan lista di remedi den un tas di plèstik ku awa no por drenta aden (waterproof).
- Tapa e bentananan di glas ku plachi di multiplèks. Òf plak ‘duct tape’ riba e bentananan di glas, for di e huki parti ariba na man robes bai na e huki parti abou na man drechi kontrali pa huki parti ariba pa man drechi.
- Prepará un stòk di emergensia: sèn kèsh èkstra, bateria, flèshlait, radio / televishon ku ta traha riba bateria, bòter di awa di bebe – 3 liter pa persona pa dia, papel di wc, kuminda di bleki, kos di habri bleki, bela i remedi.
- Sòru pa bo telefòn selular ta kargá.
- Hinka tur bestia di kas paden.
- Saka potrèt òf un video di bo kas promé ku e orkan òf mal tempu. Esaki por ta útil ora bo sufri daño i bo tin ku entregá un demanda (claim).
- Sigui e último informenan via emisoranan di radio i kanalnan di televishon lokal i via medionan sosial di gobièrnu.
- Tene e boletinnan di tempu via www.knmidc.org i www.bonairecrisis.com na bista.
- Sòru pa abo i bo famia sa kiko boso mester hasi.
Loke bo mester hasi durante mal tempu òf orkan
- Sòru na promé lugá pa abo mes ta seif i e hendenan ku ta biba huntu ku bo den kas ta seif.
- Keda paden! No bai pafó pa filma e mal tempu òf pa saka potrèt.
- No subi laman.
- Keda den e parti di kas ku no ta frontal den bientu.
- Sigui e último informenan via emisoranan di radio i kanalnan di televishon lokal.
- Yama 911 si bo tin mester di yudansa urgente.
Kiko bo por hasi despues di mal tempu òf orkan
- Den kaso di daño chikitu, drecha e daño bo mes.
- Den kaso di daño grandi, yama 911 pa yudansa.
- Yuda e hendenan den bo besindario, si esei ta nesesario.
- Sigui e konsehonan di e tim di kalamidat.
- Bai un shèlter si pa motibu di daño grandi bo no por keda kas.