Kiko bo por hasi promé ku un kandela grandi
Chèk si tin un plan di evakuashon pa e kas kaminda bo ta biba, e edifisio kaminda bo ta traha, e edifisionan kaminda regularmente bo ta. No tin un plan di evakuashon pa bo sitio di trabou? Konsultá ku bo dunadó di trabou pa formulá un plan asina. Sòru pa tin aparato di paga kandela kaminda por alkansá esakinan mesora.
Kiko bo tin ku hasi durante un kandela grandi
- Bandoná e edifisio mas rápido posibel. Yuda mucha i hende ku tin mester di ayudo pa sali rápidamente.
- Si bo no por mira bon pa motibu di huma, purba na keda mas pegá posibel ku flur.
- Muha un pida paña i tene esaki na bo nanishi i boka.
- Sera tur bentana i porta bo tras.
- Yama 911 si nan no a yama brantwer ainda.
- Usa trapi, no usa left!
- Si bo no por sali for di e edifisio, bai para dilanti un bentana di manera ku brantwer por mira bo.
- Nunka no bai bèk den un edifisio ku ta na kandela.