Kon bo por prepará bo mes pa interupshon di koriente
Den kaso di interupshon grandi di koriente ta útil pa disponé di un radio portatil ku ta traha riba bateria. Ta útil tambe pa disponé di bela, lampi di kerosin, òf lus ku ta traha riba energia solar. Sòru pa bo tin un pakete di emergensia i 3 liter di awa pa persona pa dia. Kòrda riba kuminda ku bo por warda pa hopi tempu.
Kiko bo por hasi den kaso di interupshon di koriente
Tene frishidèr será. Saka tur stèker for di stòpkòntakt. Asina bo ta evitá daño na bo aparatonan ora koriente bini bèk. Pasa serka hendenan ku kisas tin mester di yudansa i wak si nan tin mester di yudansa.
Kiko bo por hasi ora nan sera awa
Sòru pa bo tin un pakete di emergensia di 3 liter di awa pa persona pa dia. Sòru tambe pa bo tin sufisiente awa pa flùsh wc i awa pa baña kuné.
Por sosodé ku nan ta sera awa di kranchi, òf ku e awa ta resultá kontaminá. Pa e motibu akí ta importante pa disponé di un stòk di emergensia di awa di 3 liter pa persona. I esaki pa por lo ménos tres dia. Sòru pa bo por warda awa na un manera limpi den jerrycan, bòter, tobo tapá.
Kiko bo por hasi ora komunikashon via telefòn no ta posibel
Despues di un kalamidat hopi hende ta bai yama otro na telefòn. E ora ei esaki por sobrekargá e ret di telefòn. Usa telefòn solamente ora esaki ta realmente nesesario. Tene e kòmbersashon kòrtiku i al kaso. Si surgi interupshon di komunikashon via telefòn, sigui notisia via un radio portatil ku ta traha ku bateria, òf via medionan sosial di gobièrnu.