𝗞𝗮𝗻𝗱𝗲𝗹𝗮 𝗸𝗼𝗺𝗽𝗹𝗲𝘁𝗮𝗺𝗲𝗻𝘁𝗲 𝗽𝗮𝗴𝗮́, 𝗮𝗶𝗻𝗱𝗮 𝘁𝗶𝗻 𝗱𝗲𝘀𝗮𝗿𝗼𝘆𝗼 𝗱𝗶 𝗵𝘂𝗺𝗮

Na e lèntfel di Selibon awe mas tempran a surgi un kandela. Entretantu e kandela ta kompletamente pagá. Tin kestion sí di desaroyo di huma ainda, okashoná pa partíkulanan chikitu den e área ku ta kimando.

𝗘𝗻𝘁𝗿𝗲𝘁𝗮𝗻𝘁𝘂 𝘁𝗮𝗽𝗮𝗺𝗲𝗻𝘁𝘂 𝗱𝗶 𝗲 𝘀𝗶𝘁𝗶𝗼 𝘁𝗮 𝗸𝗮𝗻𝗮𝗻𝗱𝗼 𝗺𝗮𝘀 𝗹𝗶𝗵𝗲́

Mas tempran durante dia tapamentu di e sitio di kandela tabata kana difísil. Entretantu mas trùk a bini aserka pa yuda, di manera ku awor akí e proseso ta kana mas rápido. Segun espektativa e sitio di kandela lo ta kompletamente tapá rònt di 20:00 or.

𝗘𝘃𝗮𝗸𝘂𝗮𝘀𝗵𝗼𝗻 𝗽𝗮 𝗺𝗼𝘁𝗶𝗯𝘂 𝗱𝗶 𝗺𝗼𝗹𝗲̀𝘀𝘁𝗲𝗿 𝗱𝗶 𝗵𝘂𝗺𝗮

Pa habitantenan dentro di un rayo di 1 kilometer rònt di e lèntfel por tuma kontakto ku: +599 777 2243. Si ta nesesario pa evakuá nan pa motibu di molèster di huma.

𝗘𝗻𝘁𝗶𝗱𝗮𝘁 𝗽𝘂́𝗯𝗹𝗶𝗸𝗼 𝗕𝗼𝗻𝗲𝗶𝗿𝘂 𝗶 𝘀𝗲𝗿𝘃𝗶𝘀𝗶𝗼𝗻𝗮𝗻 𝗼𝘂𝘀𝗶𝗹𝗶𝗮𝗿 𝘁𝗮 𝗸𝗲𝗱𝗮 𝗺𝗼𝗻𝗶𝘁𝗼𝗿𝗲𝗮́ 𝗲 𝘀𝗶𝘁𝘂𝗮𝘀𝗵𝗼𝗻

Entidat públiko Boneiru i e servisionan ousiliar envolví ta vigilá e situashon minusiosamente. Mas aktualisashon ta sigui si esaki ta nesesario.