Den e simannan tras di lomba tres kandela na lèntfel di Selibon N.V. a sòru pa hopi inkietut. Afortunadamente Selibon for di dia 28 di mart 2024 te ku awor a traha duru pa tapa e kandelanan kasi kompletamente ku tera. Esaki ta nifiká ku e habitantenan, ku pa motibu di e kandelanan mester a permanesé na otro sitio, awe 18 di mei 2024 por bai nan kas bèk. Awor akí ta sufisiente seif pa nan regresá nan kas.
E trabou di tapamentu di e kandelanan ta kana bon. E esfuersonan di Selibon i su partnernan a sòru ku e proseso ta progresá mas rápido ku a verwagt anteriormente. Si nan mantené e velosidat aki, segun ekspektativa den wikènt lo tin djis un tiki huma ainda òf lo no tin huma ètòl mas.
Banda di yudansa lokal, Selibon ta risibí yudansa di ekspertonan for di ministerio di Infrastruktura i Maneho di Awa tambe. Durante e próksimo simannan nan ta bai yuda pensa tokante solushonnan struktural, di manera ku Selibon lo ta mihó prepará pa eventual kandelanan den futuro.
Debí na e sirkunstansianan seif pa biba, den konsulta ku diferente eksperto a disidí ku e habitantenan por regresá nan kas. E hendenan ku aktualmente ta kedando na otro sitio, por bai nan kas atrobe awe 18 di mei 2024. Huntu ku AKSESO, entidat públiko Boneiru ta sòru pa transporte i pa kordinashon di e regreso akí.
Den e simannan binidero Selibon, den kolaborashon ku su partnernan, lo kontinuá ku tapamentu di e kandelanan te na un altura di mas òf ménos dos meter.
