For di djabièrnè tramèrdia dos insidente ku kandela a tuma lugá na e lèntfel di Selibon. Kousa di e kandelanan no ta konosí ainda. Entretantu a kuminsá ku tapamentu di e kandelanan.
Kontròl di e kandela
E métodonan di paga kandela ta na enkargo di kuerpo di bombero, nan a skohe pa laga e kandela kima kaba na nada den un forma kontrolá. Di e manera akí kontaminashon di aire ta keda mas tantu limitá. E sistema di laga e kandela kima kaba na nada ta sòru ku mayoria di e materianan inflamabel ta kima kompletamente i ku tin ménos emishon di supstansianan peligroso.
Efekto di huma
Inhalá huma nunka no ta saludabel, esaki por kousa iritashon di vianan respiratorio i wowo. Esaki ta dependé di sensibilidat individual di kada persona. Den kaso di problema ku salú komo konsekuensia di e kandela, e konseho ta pa kada hende tuma kontakto ku nan propio dòkter di kas.
Kolaborashon entre organisashonnan
Tur organisashon a aktua a base di nan propio spesialismo profeshonal. Entidat Públiko Boneiru a ofresé sosten na e asosiashon di habitante Asosiashon Pro Lagun (APL) ku reglamentu di akomodashon temporal. Kuerpo di bombero i Selibon ta traha huntu pa logra haña e kandela bou di kontròl. A enbolbí polis pa ehersé èkstra patruya den e área.
Komunikashon ku habitantenan direkto
Entidat Públiko Boneiru ta komuniká ku e habitantenan den e bisindario direkto via Asosiashon Pro Lagun (APL).
Espasio pa servisionan ousiliar
Nos ta supliká tur hende pa no bai den e área afektá i pa duna tur servisio ousiliar espasio pa nan por hasi nan trabou.
Entidat Públiko Boneiru ta sigui e desaroyonan den e kaso akí djaserka, i lo duna durante e dianan binidero mas informashon tokante e situashon akí.
