Aktualisashon kandela na Santa Clara: kuerpo di bombero tin e situashon bou di kontròl
Ku esaki tur atvertensia anterior ta keda anulá.
Aktualisashon kandela na kompania di desmantelashon di outo na Santa Clara
Kuerpo di bombero a haña yudansa di un loader pa traha un separashon, un barera natural. Un ratu mas tur loke tin dilanti e separashon lo sigui kima (i kaba na nada). Pa e motibu akí e desaroyo di huma lo dura ainda te 12.00 or. Te na e momentu ei tene tur porta i bentana será. Kuerpo di bombero ta na e sitio ainda pa evitá posibel ekspanshon.
Kandela na garashi di desmantelashon di outo na Santa Clara: tene tur bentana i porta será!
Awe mainta tempran pa mas òf ménos 04.30 or a surgi un kandela na un garashi di desmantelashon di outo na Santa Clara. Te ainda kuerpo di bombero ta pagando e kandela. Pa motibu di e kandela tin hopi desaroyo di huma, prinsipalmente den direkshon ku bientu ta supla. Espektativa ta ku esaki lo dura minimalmente 1 ora ainda.