Suavisashon pa biaheronan for di Hulanda for di 23 mart 2022
Kralendijk – For di 20 di mart 2022, Saba, Sint Eustatius, Kòrsou, Aruba i St. Maarten ta islanan seif pa Boneiru. E ora ei, biaheronan no (ful) bakuná for di Kòrsou, Aruba i St. Maarten, Saba i St. Eustatius no mester hasi mas un tèst di PCR òf tèst antígeno. Sí nan mester yena ainda un deklarashon di salú.
For di 20 di mart 2022 ta suavisá kondishonnan di biahe pa biaheronan for di tur pais ku eksepshon di Hulanda. Biaheronan ful bakuná ku ménos ku 270 dia pasá a pasa e di dos angua di corona òf e angua di buster, e ora ei no mester hasi un tèst di PCR òf tèst antígeno pa nan biahe pa Boneiru. Ketu bai tur biahero mester yena e deklarashon di salú pa bin Boneiru. No ta importá ku nan ta bakuná òf nò.
Biaheronan ku no ta (ful) bakuná i biaheronan ful bakuná ku mas ku 270 dia pasá a pasa e último angua di corona, mester hasi un tèst antígeno dentro di 24 ora promé ku salida. Nan por skohe tambe pa hasi un tèst di PCR 48 ora promé ku salida.
E kondishonnan di biahe nobo ta na vigor for di 23 di mart tambe pa biaheronan for di Hulanda. Minister Kuipers di Salubridat, Bienestar i Deporte mester presentá e kondishonnnan di biahe nobo promé na Tweede Kamer. E minister por disidí independientemente riba e kondishonnan di biahe pa paisnan ku no ta pertenesé na teritorio hulandes.
Boneiru ta parti di teritorio hulandes. P’esei e suavisashon di kondishonnan di biahe pa biaheronan for di Hulanda ta drenta na vigor un tiki mas lat, despues ku Tweede Kamer por a reakshoná.
Prueba di rekuperashon
For di 23 di mart 2022, biaheronan for di Hulanda ku a haña COVID-19 ademas di e prueba di bakunashon òf prueba di tèst, por biaha pa Boneiru ku un prueba di rekuperashon. E prueba di rekuperashon ta un prueba ofisial di un laboratorio di tèst ku un hende tabatin un resultado di tèst di PCR positivo. E resultado di tèst di PCR positivo no por ta di ménos ku 11 dia i no mas bieu ku 180 dia.
Pa mas informashon www.bonairecrisis.com
